Themeluar në vitin 2024, Urban AI është një platformë dixhitale që sjell automatizim, saktësi dhe efikasitet në proceset e planifikimit të territorit duke ofruar një mjedis të unifikuar ku të dhënat përpunohen në kohë reale dhe çdo informacion shfaqet në mënyrë vizuale, të qartë dhe të aksesueshme.

Urban AI synon te automatizoje të gjithë ciklin e planifikimit; nga hartimi i planeve të detajuara vendore (PDV), te analizat hapësinore dhe gjenerimi i raporteve duke e kthyer procesin në një përvojë më efikase, të besueshme dhe transparente. Çdo ndryshim në të dhëna apo vendimmarrje reflektohet menjëherë në një hartë dinamike, ku informacioni është gjithmonë i azhornuar dhe i kuptueshëm.

Platforma është krijuar për të qenë e përdorshme nga institucione publike qendrore dhe vendore, universitete dhe qendra kërkimore, subjekte ndërtuese dhe arkitektë, si dhe nga çdo qytetar që dëshiron të informohet mbi zhvillimet në pronën apo zonën përreth tij.

Me një qasje bashkëkohore dhe ndërdisiplinare, Urban AI synon të bëhet një mjet kyç në ndërtimin e qyteteve më të zgjuara, më të qëndrueshme dhe më të aksesueshme për të gjithë.